網紅的藏寶箱0525 - 0526 宇宙船 扭蛋劇場 天窗
N: 有雨呀，閂窗啦。
A: 唔好再搞啦下！又開又閂！講咗幾多次唔好又開又閂，你咁樣啲嘢好快壞㗎嘛！
N: 但係落雨喎！黃雨喎！
A: 我而家唔係同你講黃藍嘅問題。
N: 個梳化濕晒lu。
A: 你係咪俾說話我聽？
N: 唔係，我講聲你知啫。
A: 你覺得我唔心痛咩？張梳化我買㗎！
N: 但係啲家用係我俾錢㗎嘛⋯⋯我嗰時都話唔好五千萬買張梳化㗎啦⋯⋯
N: 你又唔閂窗，梳化又冇人坐！嗰啲嘢keep住要乾嘅你又由得佢濕~嗰啲嘢keep住要濕嘅你又由得佢乾~
A: 上年個窗已經又開又閂！我今年唔想再睇到哩個情況！
N: 上年你一早閂咗咪唔洗又開又閂囉！
A: 你一早俾我洗多少少買張防水嘅梳化，咁咪唔洗驚佢撇濕囉！而家又要買過張！
N: 最後咪又係我俾錢！
N: 我唔會買㗎，我又唔坐。
A: 你咪唔好坐囉！我俾啲內地親戚坐！
N: 我換門鎖睇佢點入嚟！
A: 我開咗窗~
N: 你點先肯閂窗啫~你都係開冷氣㗎啦！
A: 我唔係唔肯閂，我係唔鐘意你嗌我閂。
N: 咁我閂吖！
A: 個窗係我㗎。
N: 咁我走啦，你獨守空窗啦。
A: 你走吖，你走咗……你就唔好返嚟！
N: 喂大佬唔好玩啦！你俾返本BNO嚟先得㗎！
Search